Официальный сайт Организационной структуры
города Минска и Минской области

ДОСААФ
"ДОБРОВОЛЬНОЕ ОБЩЕСТВО СОДЕЙСТВИЯ АРМИИ,
АВИАЦИИ И ФЛОТУ РЕСПУБЛИКИ БЕЛАРУСЬ"
+375(17) 207-37-58
oblminsk_dosaaf@tut.by

Главная - Патриотическое воспитание и спорт

25-02-2017

Да Дня памяці воінаў-інтэрнацыяналістаў у Семежаўскага СШ адбылося мерапрыемства па патрыятычным выхаванні падрастаючага пакалення.
 
 
Падчас сустрэчы з навучэнцамі старшыня раённай арганізацыйнай структуры ДТСААФ, намеснік старшыні раённай арганізацыі ветэранаў вайны ў Афганістане Аляксандр Касінскі падрабязна расказаў пра ўраджэнцаў Капыльшчыны, якія загінулі ў Афганістане, адзначыў, што іх гераізм павінен стаць прыкладам для сучаснай моладзі.
 
Затаіўшы дыханне, са слязьмі на вачах, прысутныя слухалі выступленні воінаў-афганцаў. Даволі эмацыянальным атрымаўся аповед Генадзя Чацверыка. У ім прагучалі ўспаміны пра першы мінамётны абстрэл, крушэнне самалёта, смерць сяброў, сустрэчу з матуляй пасля вяртання дамоў…
 
Шмат перажыванняў у аўдыторыі выклікала і выступленне нашага земляка Івана Пыско. Ён быў на валаску ад смерці, але выстаяў, бо вельмі хацеў вярнуцца на Радзіму, сустрэцца са сваімі роднымі і сябрамі.
 
Маладому пакаленню быў дадзены наказ берагчы і цаніць жыццё, змагацца за яго, за мір над нашай галавой.
На працягу сустрэчы гучалі вершы і песні пра Афган, а паважаныя госці атрымалі кветкі і памятныя паштоўкі.
 
Уладзімір ВЫСКВАРКА,
старшыня пярвічнай ветэранскай арганізацыі Семежаўскага сельсавета
 

Наши партнеры: