![](http://zorkanews.by/wp-content/uploads/2019/05/IMG_8590-1024x682.jpg)
![](http://zorkanews.by/wp-content/uploads/2019/05/IMG_8584-1-1024x682.jpg)
Этот День Победы порохом пропах…
У гэтых словах горыч слёз і страт, радасць ад сустрэч і дасягненняў, бо ваеннае ліхалецце, якое стала самай трагічнай старонкай у гісторыі нашай краіны, закранула кожную сям’ю, кожнага чалавека. І няхай ад той Вялікай Перамогі нас аддзяляе 74 гады, але штогод ў пачатку мая мы з павагай і асабліва трапяткім пачуццём прыгадваем бессмяротны подзвіг дзедаў і прадзедаў.
![](http://zorkanews.by/wp-content/uploads/2019/05/IMG_8541-1024x682.jpg)
![](http://zorkanews.by/wp-content/uploads/2019/05/IMG_8563-1024x682.jpg)
У парку мнагалюдна. Уздзенцы нясуць да абеліска жывыя кветкі, школьнікі – гірлянды, працоўныя калектывы ўстаноў, арганізацый і прадпрыемстваў раёна – вянкі, аддаючы даніну павагі тым, хто цаной свайго жыцця заваяваў мір і свабоду для нашчадкаў. Пачэснае месца на ўрачыстасці займаюць ветэраны, жывыя сведкі ваеннага ліхалецця, гераізм, мужнасць, стойкасць і адвага якіх застаюцца прыкладам для юнакоў і дзяўчат.
![](http://zorkanews.by/wp-content/uploads/2019/05/IMG_8606-1024x682.jpg)
![](http://zorkanews.by/wp-content/uploads/2019/05/IMG_8572-1024x682.jpg)
Святочны мітынг адкрыў старшыня раённага выканаўчага камітэта Сяргей Савіцкі, павіншаваўшы ўсіх са святам Вялікай Перамогі.
![](http://zorkanews.by/wp-content/uploads/2019/05/IMG_8608-682x1024.jpg)
— Мы заўсёды будзем памятаць аб тых ураджэнцах Уздзеншчыны, што загінулі ў барацьбе з фашыстамі. Ганарымся нашымі землякамі, сярод якіх тры Героі Савецкага Саюза, слаўныя камандзіры і палкаводцы, адзін – з герояў-панфілаўцаў. За мужнасць і гераізм тры тысячы жыхароў раёна ўзнагароджаны дзяржаўнымі ўзнагародамі, — адзначыў Сяргей Канстанцінавіч. — Зямны паклон ветэранам, дзякуючы мужнасці і гераізму якіх мы ведаем цану мірнаму небу. Віншую усіх са святам. Жадаю моцнага здароўя, поспехаў у справах, працоўных дасягненняў, сямейнага шчасця і дабрабыту.
Словы віншавання прысутным адрасаваў і начальнік адасобленай групы ваеннага камісарыята Дзяржынскага і Уздзенскага раёнаў Аляксандр Тоўсцік. Удзячнасцю за мір і спакой было прасякнута выступленне вучняў СШ №1 імя А. Пушкіна Максіма Каравацкага, Івана Паддубіцкага і Аляксандры Прашкевіч.
![](http://zorkanews.by/wp-content/uploads/2019/05/IMG_8679-682x1024.jpg)
А потым у парку стала ціха. Жанчына-маці са свечкай у руках, гукі метранома, адлічваючы хвіліну маўчання, тры салютныя аўтаматныя чаргі – гэта даніна павагі тым, хто не вярнуўся з вайны, чыё жыццё стала сплавам самаахвярнасці, стойкасці, самааданасці. А потым да ветэранаў з кветкамі ў руках накіраваліся дзеці і дарослыя, каб яшчэ раз падзякаваць за Перамогу.
![](http://zorkanews.by/wp-content/uploads/2019/05/IMG_8796-1024x682.jpg)
![](http://zorkanews.by/wp-content/uploads/2019/05/IMG_8822-1024x616.jpg)
![](http://zorkanews.by/wp-content/uploads/2019/05/IMG_8860-1024x682.jpg)
Далейшыя святочныя гулянні перамясціліся на пляцоўку перад Палацам культуры, дзе ўсіх чакалі салдацкая каша, забавы для дзяцей. Незабыўныя ўражанні пакінулі паказальныя выступленні групы спецыяльнага назначэння вайскавой часці з Фаніпаля. Добры настрой жыхарам і гасцям горада дарылі работнікі культуры, выхаванцы дзіцячай школы мастацтваў, народны хор ветэранаў “Надзея”. Мерапрыемствы з нагоды свята доўжылася да позняга вечара…
Наталля КЛІМОВІЧ
Фота Сяргея ШАРАЯ